Eta Euskadira bueltatuta, bukatu berri dudan liburu bat komentatuko dut. Liburu hori Karmele Jaio gasteiztarrak idatzitakoa da eta egile honen irakurri dudan lehenengo liburua da.

Oso kritika onak jaso nituen liburu honetatik, eta egia esan, espero nuen hobea izatea. Baina horrek ez du esan nahi ez zaidanik gustatu; atzitik, oso eleberri ona iruditu izan zait.

Oso istorio tristea da, baina oso deskribapen politak egiten ditu liburuan zehar. Oso egokia da liburuaren hitz eta metafora bakoitzarekin disfrutatzea, erlaxatzea. Zentzumen guztiak martxan jartzea irakurtzen zauden bitartean.

Baina istorio goibel honek bira erraldoi bat ematen du amaieran, eta momentu hunkigarriei ere lekua uzten zaie bukaerarako.

Oro har, sentimenduak pizteko eleberri bezala kalifikatu nuke eta literaturaz gozatzeko denei gomendatzen dizuet. Hori bai, ez espero ezagutza handirik ikastea; eleberri bat baino ez da.