Klasiko bat irakurtzeko aukera izan dut, Barandiaran jaunaren libururik ezagunenetarikoa (edo ezagunena). Euskal mitologia du izenburu eta bertan oso aditua da Barandiaran.

Euskalduna izanez gero, gauza gehienak ezagunak egiten zaizkizu, baina halere, polita da liburua irakurtzea zeren eta beste herri batzuetako istorioak ikasten baitituzu. Hasiera oso esanguratsua ez bada ere, euskal mitologiaren pertsonaiak definitzen dituenean, liburuak interes gehiago hartzen du.

Hori bai, ez espero liburu ikaragarria izango denik; nire ustez, behintzat, ez da. Baina polita da ikustea zertan gelditu diren gure antzinako kulturaren ezaugarri nagusiak. Pena da garai horretan zegoen dena guregana ez ailegatzea...